Britaniya Parlamentinin üzvü: Beynəlxalq qurumlar münaqişənin sülh yolu ilə həlində fəal olmalıdır
London, 5 aprel, AZƏRTAC
Böyük Britaniya Parlamentinin üzvü Lord David Evans bu fikirləri AZƏRTAC-ın xüsusi müxbiri ilə söhbəti zamanı səsləndirib.
Parlament nümayəndəsi Ermənistanın Azərbaycanın torpaqlarını qeyri-qanuni işğalı ilə bağlı təmas xəttində baş vermiş son hadisələrin günahsız qurbanlarına rəhmət, yaxınlarına başsağlığı diləyib.
Münaqişənin danışıqlar yolu ilə həllinin mümkün olmadığı təqdirdə Azərbaycanın əməliyyat tədbirlərinin başa düşülən olduğu diqqətə çatdırılıb.
Lord D.Evans qeyd edib ki, ATƏT-in Minsk qrupunun himayədarlığı ilə Azərbaycan hər zaman münaqişənin sülh yolu ilə həllində maraqlı olubdur. Deputat ATƏT-in Minsk qrupunun həmsədrlərinin münaqişənin sülh yolu ilə həllinə nail ola bilməmələrinə təəssüflənib.
Parlament nümayəndəsi Azərbaycan dövlətinin beynəlxalq qurumların çağırışlarını nəzərə alaraq cavab tədbirlərini birtərəfli qaydada dayandırmaq qərarını alqışlayır.
Deputat diqqətə çatdırıb ki, münaqişənin daha da genişlənməsinin və itkilərin qarşısını almaq üçün məsələ BMT Təhlükəsizlik Şurasının qətnamələrinə və digər beynəlxalq qurumların qərarlarına əməl olunaraq həll edilməlidir.
Orxan İsmayılov
AZƏRTAC-ın xüsusi müxbiri
London
Bölmənin digər xəbərləri
