Bu il ilkin mərhələdə 29 şəhər və rayonda yolların tikintisi nəzərdə tutulub
Bakı, 28 yanvar, AZƏRTAC
Cari ildə ilkin mərhələdə 29 şəhər və rayonda yolların tikintisi planlaşdırılıb.
Azərbaycan Avtomobil Yolları Dövlət Agentliyindən AZƏRTAC-a bildirilib ki, bu barədə agentliyin idarə heyətinin sədri Saleh Məmmədov 2019-cu ilin yekunlarına və 2020-ci il qarşıda duran vəzifələrin icrasına həsr olunan kollegiya iclasında deyib.
“2020-ci ildə ilkin mərhələdə 29 şəhər və rayonunda, habelə Bakı şəhərinin 12 rayonu ərazisində kənd və qəsəbə yollarının tikintisi və təmiri nəzərdə tutulub. Bundan başqa, cari ildə respublika əhəmiyyətli və magistral yolların da tikintisi davam etdiriləcək və bir çoxunda işlərin başa çatdırılması planlaşdırılıb”, - deyə o bildirib.
Bölmənin digər xəbərləri
