BU PAYIZ AĞSUDA 28 MIN HEKTAR SAHƏYƏ TAXIL SƏPİLƏCƏYİ GÖZLƏNİLİR
Ağsu rayon İcra Hakimiyyəti başçısının aqrar məsələlər üzrə müavini Elxan Abdullayev bu barədə AZƏRTAC-ın muxbirinə bildirmişdir ki, son illər taxılçılıq intensiv sürətdə inkişaf etdirilir. Ötən mövsümdə 27 min 820 hektardan 80, 2 min ton taxıl götürən torpaq mülkiyyətçiləri gələn ilin məhsulu üçün 28 min hektarda səpin keçirməyi nəzərdə tuturlar. Azərbaycan Prezidentinin “Kənd təsərrüfatı məhsulları istehsalçılarına dövlət dəstəyi haqqında” 23 yanvar 2007-ci il tarixli sərəncamı və bu sənədə əsasən verilən yardım fermerlərdə taxılçılığa marağı daha da artırmışdır.
Hazırda səpin kampaniyası müəffəqiyyətlə davam etdirilir. Sahələrə hər gün ora hesabla 80-dən çox traktor, 70-dən artıq səpin aqperatı çıxarılır, 800 hektradaək sahədə səpin keçirilir. Kampaniyaya cəlb edilən texnikanın 18-i aqrolizinq xətti ilə gətirilmişdir.
Padar, Gəgəli, Bico, Kəndoba, Bozavand kəndlərində səpin kampaniyası daha mütəşəkkil aparılır.
Bölmənin digər xəbərləri
