BVF yeni rəhbərini aprelin sonuna kimi seçməyi planlaşdırır
Bakı, 14 mart, AZƏRTAC
Beynəlxalq Valyuta Fondu (BVF) icraçı direktor vəzifəsinə namizədlərin axtarışına başladığını elan edib.
AZƏRTAC xəbər verir ki, bu barədə fondun məlumatında deyilir.
Qaydalara görə, namizədlər fondun idarə heyətinin və ya icraçı şuranın üzvləri tərəfindən irəli sürülə bilər. Müraciətlər martın 14-də başlayıb, aprelin 3-də başa çatacaq və proses gizli olacaq. Bundan sonra üç nəfərdən ibarət qısa siyahı formalaşdırılacaq və bu siyahı geniş ictimaiyyətə açıqlanacaq. Sonra idarəçilər şurası namizədlərlə üzbəüz görüşlər keçirəcək və gələcək idarəedici direktoru seçəcək.
BVF yeni rəhbərin seçilməsi prosesini aprelin sonuna qədər başa çatdırmağı planlaşdırır.
Qeyd edək ki, BVF-nin hazırkı icraçı direktoru Kristalina Georgiyevadır. O, 2019-cu ilin oktyabrında beş il müddətinə bu vəzifəyə başlayıb. Beynəlxalq maliyyə təşkilatının saytında qeyd edildiyi kimi, idarəedici direktor bu vəzifəni ardıcıl bir neçə müddətə tuta bilər.
Bölmənin digər xəbərləri
