CƏBHƏNİN BİR NEÇƏ İSTİQAMƏTİNDƏ ATƏŞKƏS POZULMUŞDUR
Müdafiə Nazirliyinin mətbuat xidmətindən AZƏRTAC-a verilən məlumata görə, Ermənistan silahlı qüvvələrinin bölmələri iyulun 11-də saat 13.25-dən 13.34-dək Xocavənd rayonunun Kuropatkino kəndində yerləşən mövqelərindən, saat 15.15-dən 15.30-dək Goranboy rayonunun Tap Qaraqoyunlu kəndi yaxınlığında yerləşən mövqelərindən, saat 18.10-dan 18.30-dək Tərtər rayonunun Çiləbürt kəndi yaxınlığında yerləşən mövqelərindən, iyulun 12-də saat 3.30-dan 3.40-dək Ağdam rayonunun Şuraabad kəndi yaxınlığında yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur. İtki yoxdur.
Bölmənin digər xəbərləri
