Cəbrayıl rayonuna qayıdan keçmiş məcburi köçkün: Bu günlər qürurverici və unudulmazdır
Bakı, 21 may, AZƏRTAC
Doğma yurda qayıdış hər bir insan üçün unudulmaz hissdir. Xüsusilə də uşaqlıq və məktəb illərinin keçdiyi kəndə yenidən dönmək, həmin torpaqda çalışmaq insan üçün böyük məna daşıyır.
Bu sözləri AZƏRTAC-a müsahibəsində Şükürbəyli kəndinə yola salınan keçmiş məcburi köçkün Zərifə Məmmədova söyləyib.
“Mənim ən sevincli günlərimdən biri odur ki, vaxtilə şagird kimi ayrıldığım doğma kəndimə bu gün müəllim kimi qayıdıram. İndi öz məktəbimdə çalışmaq mənim üçün qürur və sevincdir”, – deyə kənd sakini Z.Məmmədova bildirib.
“Doğma torpaqlara dönüş təkcə şəxsi sevinc deyil, illərlə yurd həsrəti yaşayan bütün insanlar üçün böyük xoşbəxtlikdir. Torpaqlarından ayrı düşən bütün vətəndaşlarımız üçün bu günlər qürurverici və unudulmazdır. Artıq insanlar öz doğma obalarına qayıdır, yenidən burada yaşayır və çalışırlar.
Bu günləri bizə yaşadan Prezidentə təşəkkürümü bildirirəm. Şəhidlərimizə rəhmət diləyirəm, qazilərimizə isə cansağlığı arzulayıram”, - deyə müsahibimiz fikrini yekunlaşdırıb.
Bölmənin digər xəbərləri
