Bakı, 5 oktyabr, AZƏRTAC

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti istehlakçı müraciətlərinin təhlili əsasında regionlarda fəaliyyət göstərən sahibkarlarla görüşlərin keçirilməsini davam etdirir. Növbəti bu cür görüş Cəlilabadda baş tutub.

Dövlət Xidmətindən AZƏRTAC-a bildirilib ki, biznes subyektləri və Dövlət Xidmətinin nümayəndələrinin iştirakı ilə keçirilən müzakirələrdə xidmət müəssisələrində istehlakçı hüquqlarının daha çox pozulduğu hallara dair fikirlər qeyd edilib, istehlakçı məmnuniyyətinin təmin edilməsinin vacibliyi vurğulanıb.

Dövlət Xidməti sahibkarlarla görüşlərini davam etdirəcək.