“Azərreyl” klubu baş məşqçisi ilə müqavilənin müddətini uzadıb
Bakı, 23 may, AZƏRTAC
Kişi voleybolçulardan ibarət “Azərreyl” komandası baş məşqçisi Boris Qrebennikovla yeni müqavilə imzalayıb.
Klubun mətbuat xidmətindən AZƏRTAC-a bildiriblər ki, təcrübəli mütəxəssislə anlaşmanın müddəti daha 1 il uzadılıb.
Onun qarşısına qoyulan əsas hədəf son Azərbaycan çempionunu uğurlara daşımaq və heyətdə olan gənc voleybolçuların inkişaf etdirilməsi yolunda fəaliyyətini davam etdirməkdir.
Qeyd edək ki, “Azərreyl” Boris Qrebennikovun rəhbərliyi altında ilk dəfə Azərbaycan Yüksək Liqasının qızıl medallarını qazanıb.
Bölmənin digər xəbərləri
