CƏLİLABADIN MUĞAN KƏNDİNDƏ “AQROSERVİS” FƏALİYYƏTƏ BAŞLAMIŞDIR
Cəlilabad, 7 fevral (AZƏRTAC). Rayonun Muğan kəndində “Aqroservis” xidmət müəssisəsi istifadəyə verilmişdir.
Yeni müəssisənin ərazisində 70 ədəd kənd təsərrüfatı maşın və mexanizmini saxlamaq üçun örtülü talvar, təmir sexləri, idarə binası, burada çalışacaq 50-dən yuxarı işçi üçün hamam və yeməkxana binaları inşa edilmiş, 7000 kvadratmetr sahə asfaltlaşdırılmışdır.
“Aqroservis”in fəaliyyətə başlaması münasibətilə keçirilən mərasimdə kənd təsərrüfatı naziri İsmət Abasov, Cəlilabad Rayon İcra Hakimiyyətinin başçısı Əziz Əzizov, rayon “Aqroservis” müəssisəsinin direktoru Əlövsət Qarayev və yerli fermerlər çıxış edərək ölkədə aqrar sektorun inkişafına göstərdiyi diqqət və qayğıya görə Prezident İlham Əliyevə minnətdarlıqlarını bildirmişlər.
Bölmənin digər xəbərləri
