CENEVRƏDƏ İNSAN HÜQUQLARI ÜZRƏ SEMİNAR KEÇİRİLƏCƏKDİR
Ombudsman Aparatından AZƏRTAC-a bildirmişlər ki, təsisatın dörd əməkdaşı məşğələlərə qatılacaqdır. Seminardan məqsəd beynəlxalq müqavilələrə dair məruzələrin hazırlanması üzrə bilikləri artırmaq, məşğələ iştirakçılarının məruzələrdə iştirakını təmin etməkdir.
BMT-nin İnsan Hüquqları üzrə Ali Komissarlığı Cenevrə seminarına hazırlıq məqsədi ilə iştirakçı ölkələrdə xüsusi məşğələlər keçirmişdir. Ombudsman Aparatının əməkdaşları məşğələlərdə iştirak etmiş, təsisatın vətəndaşların iqtisadi və sosial hüquqlarının təmin olunması sahəsində fəaliyyəti barədə məlumat vermişlər.
Bölmənin digər xəbərləri
