CƏNUBİ KOREYA PREZİDENTİ PAYTAXTIN SEULDAN KÖÇÜRÜLMƏSİNDƏ İSRARLIDIR
AZƏRTAC Röyter agentliyinə istinadla xəbər verir ki, Cənubi Koreya Prezidenti Poh Mu Hyun yeni paytaxt salınması haqqında əvvəlki qərarının həyata keçirilməsində israrlıdır. O bunu parlamentə müraciətində bildirmişdir. Prezidentin sözlərinə görə, Seul bölgəsinin problemi indi ən başlıca problemlərdəndir və təcili həllini gözləyir.
Ötən həftə Koreya Respublikasının Konstitusiya Məhkəməsi paytaxtın Seuldan köçürülməsi planını qeyri-qanuni elan etmişdir. Məhkəmənin qərarına görə, paytaxt yalnız o zaman köçürülə bilər ki, ölkə əhalisinin əksəriyyəti bu ideyanı ümummilli referendumda dəstəkləmiş olsun.
