ÇEÇENİSTANDA İLK DƏFƏ GÖZƏLLİK MÜSABİQƏSİ KEÇİRİLƏCƏK
AZƏRTAC “Novosti” agentliyinə istinadla xəbər verir ki, Çeçenistanda ilk dəfə “Çeçenistan gözəli-2006” müsabiqəsi keçiriləcəkdir. Müsabiqənin təşkilat komitəsindən bildirmişlər ki, ilk iki gündə yüzədək iştirakçının ərizələri qəbul olunmuşdur. İştirakçıların milli mənsubiyyətinin fərqi yoxdur, zahiri görünüşlərindən savayı, çeçen adət-ənənələrini bilmələri, zəkaları və mənəvi-psixoloji simaları namizədlər qarşısında irəli sürülən tələblərdəndir”.
Müsabiqənin təşkilatçıları respublika hökuməti və Əhməd Qədirov adına regional İctimai Xeyriyyə Fondudur.
Qalibə “Toyota” markalı avtomobil və Avropaya səyahət üçün putyovka veriləcəkdir.
Bundan əlavə, Çeçenistanın ən gözəl xanımı Ümumrusiya gözəllik müsabiqəsində iştirak edəcəkdir.
Müsabiqənin finalı mayın 27-də keçiriləcəkdir.
Bölmənin digər xəbərləri
