“Chevrolet Niva” avtomobillərinin satış qiymətləri artırılmışdır
Bakı, 2 avqust (AZƏRTAC). Avqustun 1-dən “GM-AvtoVAZ” birgə müəssisəsi “Chevrolet Niva” avtomobillərinin GLS və GLC yenilənmiş modellərinin pərakəndə qiymətlərini 25 min rubl (900 ABŞ dolları), L və LC komplektləşdirilmiş modellərinin qiymətlərini isə 5 min rubl (180 dollar) artırmışdır.
AZƏRTAC xəbər verir ki, qiymət artımına əsasən “Chevrolet Niva L” modelinin tövsiyə olunmuş qiyməti 439 min rubl (15 min 860 dollar), LC modelinin qiyməti 468 min rubl (16 min 908 dollar), GLS modelinin qiyməti (təhlükəsizlik paketi ilə) 508 min rubl (18 min 353 dollar), GLC modelinin qiyməti (təhlükəsizlik paketi ilə) 535 min rubl (19 min 328 dollar) təşkil edir.
Qiymətlərin artması sözügedən avtomobil modellərinə təhlükəsizlik paketinin əlavə olunması, bir sıra ehtiyat hissələrinin bahalaşması və əməliyyat xərclərinin artması ilə əlaqədardır.
Bölmənin digər xəbərləri
