Çexiya Qaçqınlar haqqında Qlobal Paktı dəstəkləyib
Praqa, 19 dekabr, AZƏRTAC
Çexiya BMT Baş Məclisinin sessiyasında Qaçqınlar haqqında Qlobal Paktın lehinə səs verib.
AZƏRTAC xəbər verir ki, yalnız deklarativ əhəmiyyət daşıyan sənəd səs çoxluğu ilə qəbul edilib. Onun lehinə 181 səs verilib. Çexiyanın Baş naziri Andrey Babiş bildirib ki, bu sənəd Çexiya qarşısına heç bir öhdəlik qoymur və onun immiqrasiya siyasətinə təsir göstərmir.
Qeyd edək ki, bu sənəd BMT-nin digər sənədindən - Çexiyanın imzalamaq istəmədiyi Miqrasiya haqqında Qlobal Paktdan fərqlənir. Çexiya ilə yanaşı, ABŞ, Slovakiya, Macarıstan, Polşa və Avstriya da bu sənəddən imtina edirlər.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
