Çin COVID-19-dan əziyyət çəkən ölkələrə 2 milyard dollar yardım edəcək
Pekin, 18 may, AZƏRTAC
Çin pandemiyaya qarşı cavab tədbirlərinə və sosial-iqtisadi inkişafa yardım üçün qarşıdakı 2 il ərzində COVID-19 böhranından əziyyət çəkən dövlətlərə, xüsusən də inkişaf etməkdə olan ölkələrə 2 milyard ABŞ dolları ayıracaq.
AZƏRTAC xəbər verir ki, bunu Çin Xalq Respublikasının Sədri Si Cinpin mayın 18-də 73-cü Dünya Səhiyyə Assambleyasının videokonfrans vasitəsilə açılış mərasimində çıxışı zamanı deyib.
Si Cinpin bütün dünyada COVID-19 infeksiyasından ölənlərə görə təəssüfləndiyini bildirib, ölənlərin ailələrinə başsağlığı verib. O, Çində əzmkar səylər və böyük qurbanlar hesabına virusun yayılmasının qarşısının alındığını diqqətə çatdırıb.
Çinin yeni növ koronavirus məsələsi ilə əlaqədar şəffaf və məsuliyyətli davrandığını bildirən Si Cinpin ölkəsinin virusla mübarizə təcrübəsini və xəstələrin müalicəsi ilə bağlı təcrübəsini dünya ölkələri ilə bölüşdüyünü, habelə ehtiyacı olan ölkələrə əlindən gələn dəstəyi göstərdiyini deyib.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
