ELM VƏ TƏHSİL
ÇİN DİPLOMATI İLƏ GÖRÜŞ
Bakı Slavyan Universitetində “Səfir saatı klubu”nda Çin Xalq Respublikasının Azərbaycandakı fövqəladə və səlahiyyətli səfiri Çjan Siyun ilə görüş olmuşdur.
BSU-nun rektoru, professor Kamal Abdullayev qonağı universitetin professor-müəllim və tələbə heyəti adından salamlayaraq, ölkələrimiz arasındakı dostluq əlaqələrindən danışdı, ÇXR-nın beynəlxalq tədbirlərdə Azərbaycanın ədalətli mövqeyini həmişə dəstəklədiyini diqqətə çatdırdı. BSU-nun dünyanın bir sıra ölkələrinin, o cümlədən Çinin universitetləri ilə əlaqələr qurduğunu vurğulayan rektor bildirdi ki, hazırda bir azərbaycanlı tələbə Çində təhsil alır və gələcəkdə onların sayı artırılacaqdır. Səfir Çjan Siyun görüşün iştirakçılarına Çinin müasir sosial, iqtisadi və siyasi həyatı barədə ətraflı məlumat verdi. Ölkələrimiz arasındakı əlaqələrə toxunan səfir bildirdi ki, Çin Dağlıq Qarabağ probleminin ədalətli həllində həmişə Azərbaycanın mövqeyini dəstəkləmişdir.
Sonra səfir tələbələri maraqlandıran suallara cavab verdi.