Çində mobil telefon vasitəsilə ödəniş edənlərin sayı 621 milyona çatıb
Pekin, 3 sentyabr, AZƏRTAC
Çində mobil cihazlar vasitəsilə ödəniş sistemlərindən istifadə edənlərin sayı 621 milyon nəfərə çatıb.
AZƏRTAC Çin İnternet İnformasiya Mərkəzinin hesabatına istinadla xəbər verir ki, iyun ayına olan bu rəqəm ötən ilin eyni dövrü ilə müqayisədə 37,88 milyon çoxdur. Ümumilikdə, Çində onlayn ödəniş edənlərin sayı ötən ilin dekabrına olan göstəriciyə nisbətən 32,65 milyon artaraq 633 milyon nəfərə çatıb.
Hesabatda qeyd olunur ki, onlayn rejimdə yemək sifariş edən 421 milyon nəfərin 417 milyonu mobil cihazlar vasitəsilə ödəniş edib.
Qeyd edək ki, Çində “Alipay” və “Wechat” platformaları mobil cihazlar vasitəsilə ödəniş xidmətləri təklif edir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
