ÇİNİN XARİCİ İŞLƏR NAZİRİ AZƏRBAYCANA GƏLƏCƏKDİR
Çinin xarici işlər naziri Li Çjaosin Azərbaycan xarici siyasət idarəsinin başçısı Elmar Məmmədyarovun dəvəti ilə oktyabrın 22-də Bakıya ikigünlük rəsmi səfərə gələcəkdir. Çinin Azərbaycandakı səfirliyindən AZƏRTAC-a bildirmişlər ki, səfərdən başlıca məqsəd ikitərəfli münasibətləri dərinləşdirmək və inkişaf etdirmək, Azərbaycan-Çin əlaqələri, habelə regional və beynəlxalq siyasət məsələləri ilə bağlı fikir mübadiləsi aparmaqdır.
Səfirliklən onu da bildirmişlər ki, ikitərəfli münasibətlərdəki uğurları yüksək dəyərləndirən Çin hökuməti dostluq əlaqələrinin inkişafına böyük əhəmiyyət verir və Azərbaycanla əməkdaşlığın genişləndirilməsində maraqlıdır.
Bölmənin digər xəbərləri
