ÇİYİD SƏPİNİ SÜRƏTLƏ APARILIR
Respublikamızın ən böyük pambıq stehsalçısı olan Bərdə rayonunda çiyid səpininə hərtərəfli hazırlıqla başlanmışdır.
“Qarabağ-Pambıq” Açıq Tipli Səhmdar Cəmiyyətinin sədri Qabil Süleymanov AZƏRTAC-ın müxbirinə bildirmişdir ki, son illər bu qiymətli bitkinin əkin sahələri xeyli genişləndirilmişdir. Bu il 3210 hektar sahəyə çiyid səpilməsi nəzərdə tutulmuşdur. Havaların əlverişsiz keçməsinə baxmayaraq, işlər sürətlə aparılır və indiyədək 3000 hektara yaxın sahəyə çiyid səpilmişdir. Fermerlər, əsasən, yüksək məhsuldarlıqlı “Ağ qızıl”, “30-38”, “Anten” sortlarına üstünlük verirlər.
Xatırladaq ki, cəmiyyət bu il 1300-ə yaxın fermer və torpaq mülkiyyətçisi ilə müqavilə bağlamışdır.
X X X
Bərdə Ərazi Kənd Təsərrüfatı İdarəsindən müxbirimizə bildirmişlər ki, idarənin əhatə etdiyi Ağdam, Ağcabədi, Tərtər, Füzuli, Beyləqan, İmişli rayonlarında da çiyid səpini mütəşəkkilliklə keçir. Bu il həmin rayonlar üzrə 38.300 hektar sahəyə çiyid səpiləcəkdir. İndiyədək təqribən 25 min hektar sahədə səpin keçirilmişdir.
Bölmənin digər xəbərləri
