Coğrafiyaçı alim Xəzər dənizində suyun səviyyəsi ilə bağlı tədqiqat aparıb
Bakı, 15 noyabr, AZƏRTAC
AMEA Həsən Əliyev adına Coğrafiya İnstitutunun şöbə müdiri coğrafiya elmləri doktoru Səid Səfərov Xəzər dənizində suyun səviyyəsi ilə bağlı tədqiqat aparıb.
Bu barədə AZƏRTAC-a institutdan məlumat verilib. Tədqiqata əsasən, Xəzər dənizi suyunun azalması bütün Xəzəryanı dövlətlər üçün qlobal problemə çevriləcək. Belə ki, suyun çəkilməsi ilə əlaqədar dənizdə biomüxtəlifliyə böyük ziyan dəyir. Balıqlar üçün yem rolunu oynayan planktonların ümumi kütləsi 10 dəfəyədək azalıb ki, nəticədə nərə balığı, qızılbalıq, siyənək üçün yem çatışmazlığı yaranır.
Suyun səviyyəsinin azalmasını qlobal istiləşmə ilə əlaqələndirən alim əgər belə davam edərsə, 2100-cü il üçün Xəzərin ancaq üçdəbir hissəsinin qalacağını proqnozlaşdırıb.
Bölmənin digər xəbərləri
