Con Berkov Brexit razılaşmasının üçüncü dəfə səsverməyə qoyulmasına icazə verməyəcək
London, 19 mart, AZƏRTAC
Böyük Britaniyanın icmalar palatasının spikeri Con Berkov Avropa İttifaqı (Aİ) ilə əldə edilən Brexit razılaşmasının üçüncü dəfə parlamentdə səsverməyə qoyulmayacağını açıqlayıb.
Spiker iki dəfə parlament tərəfindən rədd edilən müqavilənin yenidən səsverməyə qoyulmasının hörmətsizlik olduğunu və buna icazə verməyəcəyini bildirib.
O söyləyib ki, parlamentdə yenidən səsvermənin keçirilməsi üçün Aİ Brexit müqaviləsinin mahiyyətini dəyişdirməlidir.
Qeyd edək ki, Brexit müqaviləsi iki dəfə parlamentdə səsverməyə qoyulsa da qəbul edilməyib.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
