Cüdo üzrə Bakı şəhər birinciliyi keçirilmişdir
Bakı, 20 noyabr (AZƏRTAC). Şağan Olimpiya İdman Kompleksində cüdo üzrə Bakı şəhər birinciliyi keçirilmişdir.
AZƏRTAC xəbər verir ki, Bakı Şəhər Gənclər və İdman Baş İdarəsinin təşkil etdiyi birincilikdə 49 klubdan 394 idmançı mübarizə aparmışdır.
Yarışda ilk dəfə yeni yaranmış “EVO” cüdo idman klubunun yetirmələri də qatılmışdır. Yeni olmasına baxmayaraq klub Bakı birinciliyində 4 medal qazanmışdır.
Yarışda Hüseyn Cəlilov (46 kq), Kəramət Hüseynov (50 kq), Nəriman Əhmədov (55 kq), Elvar Abdullayev (60 kq), Hasil Cəfərov (66 kq), Naim Hüseynov (73 kq), Famil Quluzadə (81 kq), Cəfər Əkbərov (90 kq) və Xalid Mehdiyev (90 kq-dan yuxarı) fəxri kürsünün ən yüksək pilləsinə qalxmışlar.
Qızların mübarizəsində isə İlahə Cəlilova (40 kq), Banu Bağırova (48 kq), Bəsti Səfərova (57 kq) və Nərgiz Hacıyeva (63 kq) qızıl medal qazanmışlar.
Bölmənin digər xəbərləri
