“Dalğalan üçrəngli bayrağım” mövzusunda ədəbi-bədii kompozisiya nümayiş etdirilmişdir
Bakı, 8 noyabr (AZƏRTAC). Noyabrın 8-də M.Ə.Sabir adına Balaxanı qəsəbə mədəniyyət evində “Dalğalan üçrəngli bayrağım” adlı ədəbi-bədii kompozisiya nümayiş etdirilmişdir.
AZƏRTAC xəbər verir ki, bu mərasim Dövlət bayrağı günü, Konstitusiya günü və Milli Dirçəliş Günü münasibətilə təşkil olunmuşdur.
Mədəniyyət mərkəzinin əməkdaşları, qəsəbədəki orta məktəbin müəllim və şagirdləri və ictimaiyyət nümayəndələrinin iştirakı ilə keçirilmiş tədbirdə Azərbaycan Prezidenti İlham Əliyevin 2009-cu il 18 noyabr tarixli Fərmanına əsasən hər il 9 noyabrın Milli bayraq günü kimi dövlət səviyyəsində qeyd olunduğunu söyləmişlər.
Digər çıxış edənlər bildirmişlər ki, bu gün Azərbaycanda dövlət atributlarına hörmət və ehtiram yüksək səviyyədədir.
Tədbirin sonunda mədəniyyət mərkəzinin və qəsəbədəki orta məktəblərin şagirdləri “Dalğalan üçrəngli bayrağım” mövzusunda ədəbi-bədii kompozisiya nümayiş etdirmişlər.
Bölmənin digər xəbərləri
