DAŞKƏNDDƏ YAŞAYAN AZƏRBAYCANLI VETERANLARLA GÖRÜŞ KEÇİRİLMİŞDİR
AZƏRTAC-ın xüsusi müxbiri xəbər verir ki, Daşkənddəki Heydər Əliyev adına Azərbaycan Mədəniyyət Mərkəzində 9 may Xatirə və Ehtiram günü münasibətilə paytaxtda yaşayan və əsasən, soydaşlarımızdan ibarət bir qrup müharibə veteranı ilə görüş keçirilmişdir.
Əvvəlcə, veteranlar ümummilli lider Heydər Əliyevin mərkəzin qarşısındakı abidəsi önünə əklil və gül dəstələri qoymuşlar.
Azərbaycanın Özbəkistandakı səfirliyinin birinci katibi İlkin Əhmədov və Azərbaycan Mədəniyyət Mərkəzləri Assosiasiyasının sədri Akif Ağatalıbav veteranları təbrik etmiş, onlara cansağlığı arzulamışlar. Veteranlar cəbhə xatirələrini danışmışlar.
Görüşdə veteranlara maddi yardım göstərilmiş, onların şərəfinə süfrə açılmışdır.
Bölmənin digər xəbərləri
