Dəmir yumruq: kunq-fu ustası 302 qozu yalın əllə qırıb VİDEO
Bakı, 4 noyabr, AZƏRTAC
Çinli əlbəyaxa döyüş ustası Li Veyszyun bir dəqiqədən də az müddət ərzində yalın əllə 302 qozu qıraraq dünya rekordu müəyyən edib.
AZƏRTAC xəbər verir ki, bu barədə videoreportaj CGTN telekanalında yayımlanıb.
Rekordçu 27 ildir ki, müxtəlif əlbəyaxa döyüş növləri ilə, əsasən də “dəmir əl” texnikası ilə məşğul olur. Li ənənəvi Çin mədəniyyətini və döyüş növlərini məşhurlaşdırmaq üçün Ginnesin rekordlar kitabına düşməyi qərara alıb.
Qeyd edək ki, bundan əvvəlki rekord bir neçə həftə əvvəl 60 saniyə ərzində ovcu ilə 212 qozu qırmağa nail olan hindistanlı döyüş sənəti ustası Prabhakar Reddi tərəfindən müəyyən edilmişdi.
Bölmənin digər xəbərləri
