“DİN” VƏ “QARADAĞ” HƏNDBOL KLUBLARININ AVROPA KUBOKLARI TURNİRİNDƏKİ RƏQİBLƏRİ MƏLUM OLMUŞDUR
Azərbaycanın həndbol klublarının Avropa kubokları turnirlərində rəqibləri məlum olmuşdur.
AZƏRTAC xəbər verir ki, püşkə əsasən, kişilərdən ibarət “DİN” komandası sentyabrda “Kuboklar kuboku” turnirinin birinci mərhələsində Polşanın “Visla” kollektivi ilə qarşılaşacaqdır. İlk oyun səfərdə keçiriləcəkdir.
Qadınlar arasında yarışan “Qaradağ” komandası Avropa Həndbol Federasiyasının kuboku uğrunda mübarizə aparacaqdır. Birinci mərhələdə klubun rəqibi Lüksemburqun “Dikrixt” komandası olacaqdır.
Ölkəmizi “Çelenc kuboku” turnirində təmsil edəcək Azərbaycan çempionu “ABU” komandasının rəqibi isə oktyabrda müəyyənləşəcəkdir.
Bölmənin digər xəbərləri
