Distant təhsilə keçirilən siniflərin sayı 11-ə çatıb
Bakı, 25 sentyabr, AZƏRTAC
Ümumi təhsil müəssisələrində COVID-19 virusuna yoluxma halları ilə bağlı bugünkü məlumat açıqlanıb.
Təhsil Nazirliyindən AZƏRTAC-a bildirilib ki, sentyabrın 25-də 86 şagirdin, 3 nəfər işçi heyətin bədən hərarəti 37 dərəcədən yuxarı olub. 13 şagird, 7 nəfər işçi heyət isə koronavirusa yoluxub. Virusa yoluxma hallarına görə 2 sinifdə tədris distant formaya keçirilib. Bununla da distant təhsilə keçirilən siniflərin sayı 11-ə çatıb.
Xatırladaq ki, respublika üzrə 1 məktəb - Quba rayonu Qamqam kənd orta məktəbi 8 müəllimin virusa yoluxması səbəbindən təhsilin distant formasına keçirilib.
Bölmənin digər xəbərləri
