DÖL KAMPANİYASI MÜVƏFFƏQİYYƏTLƏ BAŞA ÇATIB
Cari qışlama dövrünə mütəşəkkil hazırlaşan fermerlər bu vacib və məsul kampaniyada əvvəlki illərə nisbətən daha yüksək nəticələr əldə etmişlər. Orta hesabla hər 100 baş ana qoyundan 90 quzu alınmışdır. Ayrı-ayrı təsərrüfatlarda bu göstərici daha yüksək olmuşdur. Qaşqaçay kəndinin “Təbriz” kooperativində hər 100 baş ana qoyundan 97 bala, Ağçay kəndinin “Bərəkət-97” fermer təsərrüfatında 95 bala alınmışdır. İlisu və Qaxbaş kəndlərində Ayaz Seydəliyev və Eynulla Qasımov isə 96-98 baş sağlam quzu əldə etmişlər.
Rayon icra hakimiyyətindən AZƏRTAC-ın müxbirinə bildirmişlər ki, uğurla həyata keçirilən aqrar islahatlar nəticəsində son illər Qaxda kənd təsərrüfatının digər sahələri ilə yanaşı, qoyunçuluğun inkişafında da dönüş yaranmışdır. Rayon üzrə ötən il qoyun və keçilərin baş sayı islahatlardan əvvəlki dövrlə müqayisədə, təxminən, 2 dəfə artaraq, 105 min başa çatmışdır.
Bölmənin digər xəbərləri
