Donald Tramp: Çinlə ticarət danışıqları məhsuldar keçir
Bakı, 30 iyul, AZƏRTAC
ABŞ Prezidenti Donald Tramp bəyan edib ki, Birləşmiş Ştatlarla Çin arasında ticarət danışıqları məhsuldar keçir. AZƏRTAC Reuters agentliyinə istinadla xəbər verir ki, Vaşinqton qlobal iqtisadiyyata ciddi zərbə vuran “ticarət müharibələri”nin yaratdığı gərginliklə bağlı müəyyən addımlar atmağa hazırlaşır.
ABŞ və Çinin iri şirkətlərinin üzləşdiyi problemlərin aradan qaldırılması məqsədilə Şanxayda iyulun 30-da başlayan ikitərəfli məsləhətləşmələrin 12-ci raundu bu gün başa çatır. Bu iclasda Birləşmiş Ştatları ticarət danışıqları üzrə xüsusi nümayəndə Robert Laythayzer və Maliyyə naziri Stiven Mnuçin, Çini isə Dövlət Şurası sədrinin müavini Lyu He təmsil edirlər. İki ölkənin iri şirkətlərinin və maliyyə qurumlarının rəhbərləri də nümayəndə heyətlərinin tərkibinə daxil edilib.
Bölmənin digər xəbərləri
