Doqquz ay ərzində Azərbaycanda 83 minə yaxın körpə doğulub
Bakı, 17 noyabr, AZƏRTAC
Bu ilin yanvar-sentyabr ayları ərzində Azərbaycanda 82 min 928 körpə doğulub. Əhalinin hər 1000 nəfərinə bu göstərici 11,1 təşkil edib.
Dövlət Statistika Komitəsindən AZƏRTAC-a verilən məlumata görə, doğulanlar arasında oğlanların xüsusi çəkisi 53,5, qızların xüsusi çəkisi isə 46,5 faiz olub. Körpələrdən 2104-ü əkiz, 60-ı üçəm, 4-ü isə dördəm doğulub.
Doqquz ay ərzində ölkədə 56 min 173 ölüm halı qeydə alınıb. Əhalinin hər 1000 nəfərinə ölüm səviyyəsi 7,5 təşkil edib.
Bölmənin digər xəbərləri
