MƏDƏNİYYƏT
Dövlət Arxivində “Mehmandarovlar” kitabının müəllifi ilə görüş keçirilib
Bakı, 7 noyabr, AZƏRTAC
Milli Arxiv İdarəsinin Dövlət Arxivində Zəfər Günü və Dövlət Bayrağı Günü münasibətilə məşhur artilleriya generalı, Azərbaycan Xalq Cümhuriyyətinin hərb naziri Səməd bəy Mehmandarov haqqında kitabın müəllifi, tədqiqatçı-jurnalist Vasif Quliyevlə görüş keçirilib.
AZƏRTAC xəbər verir ki, görüşdə Bakı Dövlət Universitetinin Tarix fakültəsinin tələbələri və arxiv əməkdaşları iştirak ediblər.
Arxivin direktor müavini Səyyarə Hacıyeva çıxış edərək görkəmli hərbçi Səməd bəy Mehmandarovun həyat və fəaliyyəti haqqında məlumat verib.
“Mehmandarovlar” kitabının müəllifi Vasif Quliyev apardığı arxiv araşdırmaları haqqında danışıb.
Əməkdar jurnalist Elşən Əliyev kitabın əhəmiyyəti və onun gənc nəslin vətənpərvərlik ruhunda tərbiyəsi işində oynadığı roldan bəhs edib.
Xalq artisti Eldost Bayram kitabdan parçalar səsləndirib.
Tədbir iştirakçılarına Vasif Quliyevin Azərbaycan və ingilis dillərində nəşr olunmuş “Şuşa qalası” broşürlər seriyası hədiyyə edilib.
Bölmənin digər xəbərləri
