DÖVLƏT BAYTARLIQ XİDMƏTİ MÜALİCƏ-PROFİLAKTİKA TƏDBİRLƏRİNİ GÜCLƏNDİRİR
Azərbaycan Respublikası Kənd Təsərrüfatı Nazirliyi yanında Dövlət Baytarlıq Xidmətindən AZƏRTAC-a bildirmişlər ki, cari ilin yanvar-noyabr aylarında bütün kateqoriyalardan olan təsərrüfatlarda epizootiya əleyhinə müalicə-profilaktika tədbirləri həyata keçirilmişdir. Həmin müddətdə qarayara, dabaq, quşlarda nyukasl, qoyunlarda çiçək, itlərdə quduzluq xəstəliklərinə qarşı profilaktiki peyvəndləmə aparılmışdır.
Həssas heyvanlar arasında brusellyoz xəstəliyini aşkarlamaq, onun yayılmasının qarşısını almaq məqsədi ilə heyvanlardan qan nümunəsi götürülmüş, müvafiq laboratoriyalarda seroloji müayinə aparılmış, xəstə heyvanlar təlimata uyğun zərərsizləşdirilərək təsərrüfatlardan çıxarılmışdır.
İribuynuzlu heyvanlar arasında vərəm xəstəliyinin müayinəsi zamanı cəmi 3 baş xəstə aşkar edilmişdir.
Bölmənin digər xəbərləri
