DÖVLƏT GÖMRÜK KOMİTƏSİNDƏ BİR QRUPTƏLƏBƏ İLƏ GÖRÜŞ OLMUŞDUR
Tələbələri səmimiyyətlə salamlayan Kəmaləddin Heydərov iqtisadiyyatı ilbəil çiçəklənən müstəqil Azərbaycanın dövlət büdcəsinin xeyli artdığını, vətəndaşların maddi rifahının yaxşılaşdığını, hər sahədə nailiyyətlərin qazanıldığını diqqətə çarpdıraraq qeyd etmişdir ki, respublikamızın gömrük orqanları da son 10 ildə öz inkişafında xeyli uğurlar əldə etmişlər. Təbii ki, hər bir nailiyyətdə yüksəkixtisaslı gömrük əməkdaşının peşəkarlığı mühüm rol oynayır. Müstəqil dövlətimizin gömrük orqanlarında kifayət qədər peşəkar gömrük əməkdaşının çalışdığını söyləyən Kəmaləddin Heydərov bu sahədə mütəxəssislərə ehtiyac duyulduğunu bildirmişdir. Söhbət zamanı komitə sədri gənclərin biliklərə cidd-cəhdlə yiyələnməsini vacib amil kimi səciyyələndirərək, onlara bu imkandan maksimum yararlanmağı tövsiyə etmişdir. Komitə sədri demişdir ki, ölkəmizin başçısı İlham Əliyevin rəhbərliyi ilə bütün sahələrdə yüksək sürətlə irəliyə doğru addımlayan respublikamızın inkişafı naminə sizin hər biriniz təhsilinizə xüsusi fikir verməli, elmi biliklərə yüksək səviyyədə yiyələnməli, Azərbaycanımızın xoşbəxt gələcəyi naminə əlinizdən gələni əsirgəməməlisiniz.
Sonda gömrük komitəsinin sədri tələbələrə təhsillərində uğurlar arzulamış, onları maraqlandıran suallara aydınlıq gətirmişdir.
Bölmənin digər xəbərləri
