Dövlət Neft Şirkətinin ekologiya idarəsində payız-qış mövsümünə hazırlıq işləri davam etdirilir
Bakı, 10 sentyabr (AZƏRTAC). Azərbaycan Respublikası Dövlət Neft Şirkətinin (ARDNŞ) ekologiya idarəsində payız-qış mövsümünə hazırlıq işləri davam etdirilir.
AZƏRTAC xəbər verir ki, bu məqsədlə idarənin ekoloji monitorinq, yaşıllaşdırma, ekoloji ölçmə və tullantıların idarə olunması departamentlərinin inzibati binalarında və bu struktur bölmələrin bütün istehsalat sahələrində əməyin mühafizəsi, təhlükəsizlik texnikası və beynəlxalq idarəetmə sistemlərinin tətbiqi şöbəsi tərəfindən əmək şəraitinin vəziyyətinə baxış keçirilmişdir.
Aparılan nəzarət yoxlama işləri zamanı əsasən iş yerləri ilə yanaşı, işçi heyətin payız və qış fəsillərində mövsümə uyğun xüsusi geyim, o cümlədən ayaqqabı və digər fərdi mühafizə vasitələri ilə təmin olunmasına diqqət yetirilmişdir.
Həmçinin iş sahələrinin anbarlarında və qazanxanalarında payız-qış mövsümünə hazırlıq işləri yoxlanılmış və əmək şəraiti qənaətbəxş hesab edilmişdir.
Bölmənin digər xəbərləri
