Dövlət və özəl müəssisələr arasında keçirilən ənənəvi mini-futbol turnirinə yekun vurulmuşdur
Bakı, 20 dekabr (AZƏRTAC). AFFA-nın dəstəyi ilə İctimai Futbol Təşkilatları İctimai Birliyinin dövlət və özəl müəssisələr (banklar, şirkətlər, holdinqlər və s.) arasında təşkil etdiyi ənənəvi mini-futbol turnirinə yekun vurulmuşdur.
AZƏRTAC xəbər verir ki, üçüncü yer uğrunda oyunda Heydər Əliyev adına Bakı Dərin Özüllər Zavodunun komandası 6:2 hesabı ilə “Embawood” kollektivinə qalib gəlmişdir.
Finalda İdman Azərbaycan kanalının “Telefortuna” komandasını 3:2 hesabı ilə məğlub edən SOCAR AQŞ-nin kollektivi turnirin qalibi adını qazanmışdır.
İlk üç yeri tutan komandalara kuboklar, müxtəlif hədiyyələr və pul mükafatları təqdim olunmuşdur.
Bölmənin digər xəbərləri
