Dövlət Vergi Xidməti vergiödəyicilərinə müraciət edib
Bakı, 14 iyun, AZƏRTAC
2022-ci ilin may ayı üzrə xüsusi notariuslar üzrə Gəlir vergisi, idman mərc oyunları, lotereyalar, habelə digər yarışlar və müsabiqələr üzrə Gəlir vergisi, Əlavə dəyər vergisi, Aksiz vergisi, Yol vergisi, Mədən vergisi, daşınmaz əmlakın təqdim edilməsi üzrə Sadələşdirilmiş vergi və pul vəsaitlərinin nağd qaydada çıxarılması üzrə Sadələşdirilmiş vergi bəyannamələri 2022-ci il iyunun 20-dən gec olmayaraq təqdim edilməlidir.
AZƏRTAC Dövlət Vergi Xidmətinə istinadla xəbər verir ki, bu barədə DVX-nin vergiödəyicilərinə müraciətində bildirilib.
Qeyd olunan bəyannamələr vaxtında təqdim olunmadığı halda vergiödəyicisinə münasibətdə (hər bir bəyannamə üzrə) 40 manat məbləğində maliyyə sanksiyası tətbiq edilir.
Bölmənin digər xəbərləri
