DÜNYA AZƏRBAYCANLILARI TERRORA VƏSOYQIRIMINA YOX DEYİR
Xarici Ölkələrdə Yaşayan Azərbaycanlılarla İş üzrə Dövlət Komitəsindən verilən məlumata görə, fevralın 20-də Bakıda Şəhidlər xiyabanının ziyarəti ilə başlanacaq tədbirlər Türkiyədə, Vaşinqtonda, Londonda, Stokholmda, Haaqada, Moskvada, Praqada və digər Avropa şəhərlərində etiraz aksiyalarının, elmi-praktik konfransların keçirilməsi ilə davam etdiriləcəkdir.
Tədbirlərdə 20 yanvar faciəsi, Xocalı və 31 Mart soyqırımları, Ermənistanın təcavüzü nəticəsində bir milyon insanın öz yurdlarından didərgin düşməsi, ermənilərin törətdiyi terror aktları barədə faktlar dünya ictimaiyyətinin diqqətinə çatdırılacaqdır.
Bundan əlavə, Brüsseldə Avropa Parlamentinin binasında müxtəlif ölkələrin, o cümlədən ABŞ, Avstriya və Norveç alimlərinin, ictimai xadimlərin, aparıcı kütləvi informasiya vasitələri nümayəndələrinin iştirakı ilə elmi-praktik konfransın keçirilməsi və Xocalı faciəsinə həsr olunmuş ədəbi-bədii kompozisiyanın nümayiş etdirilməsi nəzərdə tutulmuşdur.
Bölmənin digər xəbərləri
