Dünya Azərbaycanlılarının Həmrəyliyi Günü soydaşlarımızın birliyinin möhkəmlənməsinə xidmət edir
Budapeşt, 30 dekabr, AZƏRTAC
Azərbaycanın Macarıstandakı səfirliyinin Dünya Azərbaycanlılarının Həmrəyliyi Günü və Yeni il münasibətilə keçirdiyi bayram tədbirində bu ölkədə yaşayan soydaşlarımız iştirak ediblər.
Tədbirdə çıxış edən səfir Vilayət Quliyev dünya azərbaycanlılarının birlik və həmrəyliyinin möhkəmlənməsinə xidmət edən bu günün əhəmiyyətindən danışıb. İl ərzində səfirlik tərəfindən görülmüş işlər, həyata keçirilmiş layihələr, iki ölkə arasında genişlənən qarşılıqlı əlaqələr barədə məlumat verən səfir Azərbaycan Prezidenti İlham Əliyevin ötən ay Macarıstana səfərinin əməkdaşlığın inkişafına böyük töhfə olduğunu diqqətə çatdırıb. V.Quliyev səfirlik tərəfindən görülməsi planlaşdırılan işlər barədə də soydaşlarımıza məlumat verib.
Tədbir bayram şənliyi və Azərbaycan milli mətbəxinin nümunələrindən ibarət ziyafətlə davam edib.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
