Dünya birjalarında neftin qiyməti aşağı düşmüşdür
Bakı, 16 may (AZƏRTAC). Dünya bazarlarında “qara qızıl”ın qiyməti həftənin ilk günündə aşağı düşmüşdür.
AZƏRTAC “Bloomberg” agentliyinə istinadla xəbər verir ki, Nyu-Yorkun “NYMEX” (New York Merchantile Exchange) birjasında “Layt” markalı neftin bir barrelinin qiyməti 1,3 dollar azalaraq 99,40 dollar, Londonun İCE (İnterContinental Exchange Futures) birjasında keçirilən hərraclarda “Brent” markalı neftin bir barrelinin qiyməti 1,36 dollar enərək 113,56 dollar olmuşdur.
Azərbaycan Respublikası Dövlət Neft Şirkətinin Marketinq və İqtisadi Əməliyyatlar İdarəsindən bildirmişlər ki, ötən gün “Azəri Layt” markalı neftin bir barreli London birjasında 116,57 dollara satılmışdır.
Bölmənin digər xəbərləri
