DÜNYADA ƏN BAHALI METRO YENİDƏN BAHALAŞIR
İndi Britaniya paytaxtının mərkəzini əhatə edən birinci zonanın hüdudları daxilində bir gediş haqqı londonlulara və qonaqlara 2 funt sterlinqə (17,5 min manat) başa gələcəkdir.
Metropolitenlə birlikdə paytaxtın vahid nəqliyyat sisteminə daxil olan yerüstü nəqliyyatda da tariflər qaldırılacaqdır. Londonun məşhur qırmızı avtobusunda bir gediş haqqı 1 funt olacaqdır.
London metrosunun bütün tarixi ərzində ilk dəfə olaraq gediş haqqı ölkədə inflyasiyanın səfiyyəsinə müvafiq surətdə deyil, qabaqlayıcı sürətlə bahalaşdırılır. London meriyası qiymətlərin qaldırılmasını onunla əsaslandırır ki, paytaxtın nəqliyyat sahəsinin büdcə kəsiri artır və 2005-ci ilədək 600 milyon funta çata bilər.
Bölmənin digər xəbərləri
