DÜNYANIN APARICI ENERJİ MƏNBƏYİNƏ ÇEVRİLƏN AZƏRBAYCANA POLŞADA MARAQ BÖYÜKDÜR
Qonaqlara Azərbaycanda neft sənayesinin tarixi və inkişafı, ARDNŞ-in əldə etdiyi nailiyyətlər və xarici neft şirkətləri ilə birlikdə həyata keçirdiyi layihələr barədə ətraflı məlumat verən Rövnəq Abdullayev, Polşa ilə ölkəmizin əlaqələrinin inkişaf etdirilməsinin hər iki tərəf üçün əhəmiyyətli olduğunu vurğulamışdır. O, ARDNŞ-in Polşa şirkətləri ilə iqtisadi cəhətdən əlverişli olan layihələri müzakirə etməyə hazır olduğunu söyləmişdir.
Zəngin enerji ehtiyatlarına malik Xəzər regionuna və dünyanın aparıcı enerji mənbəyinə çevrilən Azərbaycana Polşada marağın böyük olduğunu bildirən Pyotr Voznyak qeyd etmişdir ki, ölkələrimiz arasında neft sənayesi sahəsində əməkdaşlığın qədim tarixi kökləri vardır. Nazir öz dövləti adından Azərbaycan neft sənayesinin inkişafında əvəzsiz xidmətləri olmuş məşhur polşalı mühəndis Pavel Pototskinin Bibiheybət ərazisindəki qəbirüstü abidəsinin abadlaşdırılmasına görə Azərbaycan hökumətinə təşəkkürünü bildirmişdir. P.Voznyak hazırda Azərbaycan ilə Polşa, xüsusilə, ARDNŞ və ölkəsinin iri neft şirkətləri arasında münasibətlərin inkişafı üçün yaxşı imkanlar yarandığını diqqətə çatdırmışdır.
Görüşdə Odessa-Brodı neft kəmərinin perspektivləri, həmçinin Azərbaycanın qurudakı bəzi neft yataqlarının birgə işlənilməsi ilə bağlı fikir mübadiləsi aparılmışdır.
Bölmənin digər xəbərləri
