DÜNYANIN BÜTÜN QİTƏLƏRİNİN 7 ƏN HÜNDÜR ZİRVƏSİNİN QOCAMAN FATEHİ 71 YAŞLI YAPON OLMUŞDUR
AZƏRTAC xəbər verir ki, aprelin 12-də Yaponiyanın daha bir nümayəndəsinin adı Rekordlar kitabına düşmüşdür. 71 yaşlı alpinist Tomiyasu İsikava dünyanın bütün yeddi qitəsində - Avstraliyada, Asiyada, Antarktidada, Afrikada, Avropada, Şimali və Cənubi Amerikada yeddi ən yüksək zirvəni fəth edən ən qoçaman alpinist sertifikatı almışdır.
Ayti prefekturasında Kariya şəhərciyinin sakini yanvarın 21-də Antarktidanın əsas dağının - Vinson Massivinin ən hündür zirvəsini fəth edəndən sonra Rekordlar kitabında özünə yer təmin etmişdir. Dağın hündürlüyü 4897 metrdir. Həmin gün İsikavanın yaşı 71il 60 gün idi.
İsikavanın artıq Ginnessin rekordçusu titulu vardır. 2002-ci ildə o, Everestə qalxan ən ahıl adam olmuşdur. Yaponiyalı Everesti 65 yaşında fəth etmişdir.
Bölmənin digər xəbərləri
