Edqars Skuya: Latviya Azərbaycanı yüksək texnologiya avadanlıqları ilə təmin etmək imkanına malikdir
Bakı, 18 noyabr, AZƏRTAC
Latviya Azərbaycanı yüksək texnologiya avadanlıqları ilə təmin etmək imkanına malikdir.
Bunu AZƏRTAC-a eksklüziv müsahibəsində Latviya Respublikasının ölkəmizdəki səfiri Edqars Skuya bildirib.
O qeyd edib ki, Azərbaycan ilə Latviya arasında iqtisadiyyat və biznes sahəsində əməkdaşlıq əlaqələrinin perspektivləri böyükdür. “Qarşılıqlı idxalı, sərmayə yatırılmasını genişləndirməyə ehtiyac var. Düşünürəm ki, Latviya Azərbaycanı yüksək texnologiya avadanlıqları ilə təmin etmək imkanına malikdir. Məsələn, bizim yaşıl enerji, informasiya texnologiyaları, kompüter sahələrində böyük təcrübəmiz var. Bu istiqamətdə əməkdaşlıq əlaqələrinin dərinləşdirilməsi yaxşı olardı”, - deyə diplomat vurğulayıb.
Müsahibənin geniş versiyası ilə buradan tanış ola bilərsiniz.
Bölmənin digər xəbərləri
