ƏHALİ ARASINDA MİNA TƏHLÜKƏSİZLİYİ İLƏ BAĞLI MAARİFLƏNDİRMƏ İŞİ APARILMIŞDIR
AZƏRTAC xəbər verir ki, Azərbaycan Respublikası Ərazilərinin Minalardan Təmizlənməsi üzrə Milli Ağentliyin işçi qrupu “Azərbaycanda mina təhlükəsi ilə mübarizə proqramı” çərçivəsində cəbhə bölgəsinə yaxın rayonlardakı əhali arasında mina təhlükəsizliyi ilə bağlı maarifləndirmə işi aparır.
Bu məqsədlə, Tərtər, Xanlar və Ağdam rayonlarının qəsəbə və kəndlərində əhali ilə görüşlər keçirilmiş, onlara mina təhlükəsi yarandıqda necə davranmaq, hara müraciət etmək qaydaları öyrədilmiş, məlumat kitabçaları paylanılmışdır.
