Ekologiya idarəsində əməyin mühafizəsi üzrə biliklərin yoxlanılması daim diqqət mərkəzindədir
Bakı, 22 aprel (AZƏRTAC). Azərbaycan Respublikası Dövlət Neft Şirkətinin (ARDNŞ) əməyin mühafizəsi və təhlükəsizlik texnikasına dair rəhbəredici sənədi olan “Azərbaycan neft sənayesində əməyin mühafizəsinin vahid idarəetmə sistemi”nin tələblərinə uyğun olaraq ekologiya idarəsində mühəndis texniki işçilərin və fəhlələrin əməyin mühafizəsi üzrə bilikləri yoxlanılmışdır.
AZƏRTAC xəbər verir ki, biliklərin yoxlanılması üzrə imtahanlar 206 nəfər mühəndis texniki işçiyə və 145 nəfər fəhlə peşəsində işləyənlərə şamil edilmişdir. İmtahanlar təsdiq edilmiş biletlər və suallar əsasında idarənin daimi fəaliyyət göstərən komissiyası üzvləri tərəfindən götürülmüşdür.
İşçi personalın bilik səviyyəsi “yaxşı” və “kafi” qiymətləndirilmiş, komissiya üzvləri tərəfindən nəticə qənaətbəxş hesab edilmişdir.
Bölmənin digər xəbərləri
