Ekologiya İdarəsinin struktur bölmələrində risklərin idarə olunması ilə əlaqədar monitorinq aparılmışdır
Bakı, 24 aprel (AZƏRTAC). Ekologiya İdarəsinin struktur bölmələrində risklərin idarə edilməsi sisteminin səmərəli fəaliyyətinin təmin edilməsi məqsədi ilə mütəmadi olaraq işlər aparılır. “İllik İş Proqramı”na uyğun olaraq risklərin idarə edilməsi prosedurları üzrə risklərin idarə olunması şöbəsi tərəfindən aprel ayı ərzində idarənin struktur bölmələrində müntəzəm və qeyri- müntəzəm risklərin idarə olunması üzrə monitorinq keçirilmişdir.
AZƏRTAC xəbər verir ki, monitorinq zamanı struktur bölmələrin rəisləri və mütəxəssisləri ilə birlikdə obyektlərə baxış keçirilmiş, işlərin icra vəziyyəti ilə yaxından tanış olunmuş, mövcud problemlər, ehtimal olunan təhlükələr və risklər barədə məlumatlar toplanılmış və müvafiq təhlillər aparılaraq rəhbərliyə hesabat təqdim olunmuşdur. Risklərin idarə edilməsi prosedurları üzrə tədbirlərin həyata keçirilməsi məqsədi ilə idarə rəisi tərəfindən struktur bölmələrin rəhbərlərinə müvafiq göstərişlər verilmişdir.
Bölmənin digər xəbərləri
