Ekologiya və Təbii Sərvətlər Nazirliyi Qusarda reyd keçirib
Bakı, 5 may, AZƏRTAC
Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları tərəfindən ətraf mühitin mühafizəsi sahəsində qanunvericiliyin tələblərinə riayət olunmasını yoxlamaq məqsədilə növbəti reyd keçirilib.
Departamentdən AZƏRTAC-a bildirilib ki, reyd zamanı Qusar rayonu Yasab kəndi ərazisində diametri 40 santimetr olan yaşköküstə 1 söyüd ağacının qanunsuz kəsildiyi aşkar edilib. Ağacı kəsənin şəxsiyyətinin müəyyənləşdirilməsi mümkün olmayıb.
Faktla bağlı akt tərtib olunub və təbiətə 400 manat ziyan dəydiyi müəyyən edilib.
Qanun pozucusunun müəyyən edilməsi üçün Qusar Rayon Polis Şöbəsinə məktub göndərilib.
Bölmənin digər xəbərləri
