Əlaəddin Borucerdi: ABŞ ilə heç bir danışıq aparılmayacaq
Tehran, 28 yanvar, AZƏRTAC
ABŞ iqtisadi sanksiyaları aradan qaldırsa belə, İran bu dövlət ilə bir masa arxasında oturub danışıqlar aparmayacaq.
AZƏRTAC xəbər verir ki, bu sözləri İran İslam Şurası Məclisinin (parlament) Milli təhlükəsizlik məsələləri komitəsinin sədri Əlaəddin Borucerdi deyib.
O bildirib ki, generalın qətlindən sonra ABŞ ilə danışıqlar aparmağın heç bir faydası yoxdur. Əgər bu dövlət beynəlxalq qanunlara və imzalanan müqavilələrə əməl etmirsə, hansı danışıqlardan söhbət gedə bilər.
Xatırladaq ki, parlament üzvü olan Ə.Borucerdinin mövqeyinin Xarici İşlər naziri Məhəmməd Cavad Zərif və Prezident Həsən Ruhanin mövqeyindən fərqlənməsi İran mətbuatında müzakirələrə yol açıb.
Qeyd edək ki, İranın Xarici İşlər naziri və Prezidenti ABŞ tərəfindən sanksiyaların aradan qaldırılmasından sonra danışıqların mümkünlüyünü bildiriblər.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
