SİYASƏT
Əlcəzair portalı Prezident İlham Əliyevin Şuşaya səfərinə dair materiallar yayıb
![Əlcəzair portalı Prezident İlham Əliyevin Şuşaya səfərinə dair materiallar yayıb](/files/2021/2/1200x630/16303267125390828713_1200x630.png)
Qahirə, 30 avqust, AZƏRTAC
Əlcəzairin “Əl Hərir” portalında Prezident İlham Əliyev və birinci xanım Mehriban Əliyevanın Şuşaya səfəri haqqında materiallar yayımlanıb.
AZƏRTAC-a istinadla yayımlanan materiallarda dövlətimizin başçısının və birinci xanımın işğaldan azad edilmiş Şuşa şəhərində “Qarabağ” hotelinin, dahi Azərbaycan şairi Molla Pənah Vaqifin büstünün və onun muzey-məqbərə kompleksinin, Xalq artisti Bülbülün ev-muzeyinin, görkəmli bəstəkar Üzeyir Hacıbəylinin heykəlinin açılışında, həmçinin Şuşada xüsusi nümayəndəliyin yerləşəcəyi inzibati binada bərpa və Üzeyir Hacıbəylinin ev-muzeyində aparılacaq işlərlə tanışlıq, “Otel və Konfrans Mərkəzi”nin təməlinin qoyulması, şəhərin baş planının təqdimatı haqqında xəbərlər yer alıb.
Ərəb dilində yayımlanan xəbərlərə bütün tədbirlərdən çəkilmiş fotoşəkillər əlavə edilib.
Oqtay Bayramov
AZƏRTAC-ın xüsusi müxbiri
Qahirə