Elektrik enerjisindən istifadənin araşdırılması məqsədilə 245 nəzarət tədbiri görülüb
Bakı, 14 aprel, AZƏRTAC
Cari ilin I rübü ərzində Enerji Məsələlərini Tənzimləmə Agentliyi (AERA) elektrik qurğularının texniki istismarı, təhlükəsizlik texnikası qaydalarına əməl olunması və elektrik enerjisindən istifadənin vəziyyətinin araşdırılması məqsədilə 245 nəzarət tədbiri icra edib.
Agentlikdən AZƏRTAC-a bildirilib ki, istilik qurğularının texniki istismarı, təhlükəsizlik texnikası qaydalarına əməl olunması və istilik enerjisindən istifadənin vəziyyətinin araşdırılması məqsədilə 5 nəzarət tədbiri görülüb.
Qazdan səmərəli istifadənin, “Qazdan istifadə Qaydaları”nın və qaz qurğularının etibarlı istismarının, həmçinin digər normativ hüquqi aktların tələblərinə əməl olunmasının vəziyyətinin araşdırılması məqsədilə 178 nəzarət tədbiri həyata keçirilib.
Bölmənin digər xəbərləri
